Dä nächsti Vollmond esch am: 10. Juli
🌛 Es esch Halbmond obsigehnd
d´Sunn 🌞 gaht höt: am 05:33 am 21:27
🌞 D´Sommer-Sunnenwändi esch verbi ond d´Täg werdet wieder chürzer.
🌿 För Pflanzewält esch jetzt Hochsummer
s´Wätter för dä Heuert
Faat dä Juli mit Tröpfle aa, wird me lange Räge ha. Bringt dä Juli heissi Gluet, wird au dä September guet. Türmt im Juli d´Ameise dä Haufen, magscht Du viel Holz för dä Winter kaufen
Ösni offne Pendenze ond sosch wa so gaht...
Es isch wieder GNITZE-Ziit 🦟 I derä Ziit chan Blauzungechranket durch die spezielli Muggeart - ebä Gnitze - öbertreit werde. Vorsicht mit Weidegang.
Hitzestress bi dä Geisse schiint immer meh zum Thema z´werde. Aber mer hönd es neus Weidekonzept gschaffe, wo mer dem Hitzestress e chli zum Wäg os chönd gha. Nöd numme d´Hitz esch es Problem, au d´Mugge, vo Chabbelmugge bis he zu dä Gnitze, mached dä Geisse immer mehr Problem.
Neui Weidetor - möglechscht uusbruchsicher
Ösi Weidetörli sind au langsam dure. Funktioniered no, wared ab vor Jahre nur als Provisorium dänkt und nöd als Dauerzuestand. Neui Törli müend ane. Nach dem Schema...
Lueg mal - e gschiidi Stalliistreu för dini Tier - Ob Ross, ob Geiss, ob Schaf - es 🇨🇭 Schwiizer 🇨🇭 Produkt und im gsamte Chostegünstig. Staubt nöd und schmöckt herrlich.
Chasch di mälde, dann stell ich gern dä Kontakt her
Ösi Geisse händ im Herbst nöd uufgno. So hönd mer namal es Böggli gsuecht wo was taugt. Dä Nino ❤️ isch dänn mal 6 Wuche da gsi und hät, so wies gad uusgsieht, ganzi Arbet gleischtet.
Neui Herusforderige hämmer au im Bereich Gsundheit:
Blauzungechranket - betrifft mittlerwile au Geisse 🦟
Pseudotuberkulose isch wieder zrugg. Hochaasteckend und müehseelig zum saniere. Ab Summer werdet mir ösen Stall serologisch Pseudotuberkolose-frei zertifiziere laa.
CAE isch immer chli aktuell. Nöd ganz so tragisch aber trotzdem e chli en 💩-dräck. Milch übertreit die Chranket.
E chle gscheed Meihe om ösi Natur und Tier e chli z´schoone, wär scho no gscheed
Salzleckstei för Geisse
Es unerschöpflichs Thema - Leckstei isch nöd nu Leckstei. Inhaltsstoff ond Verabreichform sind wichtig.
Ich liebe Himalayasalz, aber dä ellei isch zwenig. So hani au no e Leckschale vo Siepmann im Stall und anere Geisseschau han mal es Agrisal becho.
Auf uf dä Weid, staht immer en Salzchübel 12 kg UFA 999 zur Verfüegig. Mängisch sind Geisse längeri Ziit am Stuck dusse - dänn nähmets au gern mal e chli Mineralie zu sich.
Au es Thema esch »Hitzestress bi Geisse« Je wärmer es wird am Tag - und je me Luftfüechtigkeit herrscht, desto schwüler wird das Ganze. Alles öber 28°C, isch für d´Geisse irgendwie z´Warm. Sie verchrüchet sich sofort im Schatte und beweget sich möglichst nümm. Die Wärmi bedüted für d´Geisse au Wasserverlust - und dä chönds mit Lecksteine nümm urechterhalte. So macht´s au Sinn, wänn me a sötige Täg d´Geisse in Stall nimmt, sobalds würkli heiss wird, und es bizzeli Salz in loser Form verabreicht. Im Stall isches au warm - aber ohni direkti Sunne-iistrahlig - und mir händ natürlich für d´Wellness grossi Ventilatore im Stall wo immer e chlini frischi Brise verursacht.
Gadesicherig und Kameraüberwachig
Es unglaublich - aber mä mues efangs dä Geissegade mit emä Manneschloss sichere und alles per Kamera öberwache. 🤯
Ich han mi für e Kamera vo HAMA (WiFi Outdoor Kamera) entschiede. Nüd gad billig gse, aber es hät sich glohnt. Mä cha Filme gad direkt uf´s Handy schicke laa und Online zueluege wa im Stall ine gaht. Dänn hät sie e Personeerkennig - zeigt aber au d´aktivitäte vo dä Geisse uf. Isch amel no spannend was die Geisse so triibet. 🤔
Dä Grond da dezue isch, dass irgendwer s´Schloss zu Gade g´öffnet hät. Efach chli zlääd werche. Vollidiote das. Aber jetzt chani amel naaluege wer, wänn ond wie im Stall gse esch. Fertig mit Loschtig. Mir send scho fangs eme komische und respektlose Ziitalter aacho. 🤯
Mittlerwiile esch ösi ganzi Stallaalag Video- und Kamera überwacht. Chlaued au scho Ross und Geisse.
Weidezaun verwicklige - Gratis-Tipp
Weidezüün bim usweide wieder ufwickle isch so ne Sach. Irgendwie isch zwar dä Trick klar - zerscht Stange, dänn s´Gitter. I han zwar nöd grad chlini Händ, aber trotzdem zwenig Händ und jedesmal wird ich stigelisinnig mit däne blöde Hög.
So hani hine am Ahänger-Gatter zwö Bluemechistli-Halter anegmacht und jetzt chame in aller Rueh die Stange ordentlich dei ufhängge und dä Hag sortiere.
am 05:33 
am 21:27
Ösi Weidetörli sind au langsam dure. Funktioniered no, wared ab vor Jahre nur als Provisorium dänkt und nöd als Dauerzuestand.
Öseri Projekt für das laufende Jahr
Au es Thema esch »Hitzestress bi Geisse«
Dä Grond da dezue isch, dass irgendwer s´Schloss zu Gade g´öffnet hät. Efach chli zlääd werche. Vollidiote das. Aber jetzt chani amel naaluege wer, wänn ond wie im Stall gse esch. Fertig mit Loschtig. Mir send scho fangs eme komische und respektlose Ziitalter aacho. 🤯
Weidezüün bim usweide wieder ufwickle isch so ne Sach. Irgendwie isch zwar dä Trick klar - zerscht Stange, dänn s´Gitter.