Hofuufgabe, Gässegschichte ond so

Frohi Oschtere  🐣

Am 13. April esch Oschtere - nöd vergässe   🐣🐣🐣

E gschiidi Stalliistreu.

Stalliistreu

Lueg mal - e gschiidi Stalliistreu för dini Tier - Ob Ross, ob Geiss, ob Schaf - es 🇨🇭 Schwiizer 🇨🇭 Produkt und im gsamte Chostegünstig. Staubt nöd und schmöckt herrlich.

Chasch di mälde, dann stell ich gern dä Kontakt her

  e-Mail oder per Telefon ☎️ +41 78 711 59 52

Öseri Projekt für das laufende Jahr

• Ösi Geisse händ im Herbst nöd uufgno. Kei Ahnig - han mi mega gfreut uf Nachwuchs - aber es isch wie s´isch. Also suechemer mit Hochdruck es Böggli wo passt und versueched Herbstgitzi zmache.
• Neui Herusforderige hämmer au im Bereich Gsundheit:
  • Blauzungechranket - betrifft mittlerwile au Geisse  🦟
  • Pseudotuberkulose isch wieder zrugg. Hochaasteckend und müehseelig zum saniere.
    Ab Summer werdet mir ösen Stall serologisch Pseudotuberkolose-frei zertifiziere laa.
  • CAE isch immer chli aktuell. Nöd ganz so tragisch und cha saniert werde mit muetterloser Uufzucht. Milch übertreit die Chranket.
• Us all denä Gründ, gsehn ich, dass mer vermuetlich dänn mal en guete Bogg chaufet und mit dem schaffed. Platz hani für das Böggli. Er findet wunderbar Platz im Gitzistall - und chan natürlich uf dä Weid mit dä Meitle zäme sii. Jungböggli dörfed dänn mit ihm dä Platz teile bis mir es Plätzli händ für die Junge.

ProSpecieRara suecht Hilf bim Capra Grigia Projekt

Projektbeschrieb ProSpecieRara

Es lohnt sich - es gaht nöd nume um Cpara Grigia - da mit dä Alpe isch generell es Problem.

Also - a ös liit da ja wohl nüd.

schlaumaehen.ch

E chle gscheed Meihe om ösi Natur und Tier e chli z´schoone, wär scho no gscheed

Neubau Gitzibox

I ösem Stall häts no e chlises Plätzli, dä ehemalige Suggeliplatz, dä hani dä Innebereich komplett Abgrisse, oseputzt suuber vermacht..

Ein komplette Tag nome Abbrucharbete und witeri 4 Stunde nome Kärchere. Wahnsinn wa ösen Vorgänger G. für en Grüsel gseh esch. (dä hät dä Suggelistall als Voliere brucht - ond nie useputzt - weder vorher, währenddem oder nachher. Da isch no Sauefuetter förecho, toti Müüs und e Ratte)  🤯

Fensterglas imme Stall setzed mir uf Acrylglas wo 100% bruch- und schlagfescht isch. Da gits e Firma, die tuen ich gern empfehle - acrylglas.ch - sind gueti Lüüt und händ färi Prise.

Zuegang zur Gitzibox mit faltbarer Tür, Materialchaschte platziert und iigruumet, Gitzischild montiert, Strom gänderet, Glogge au scho parat....

Witeri Infos folged laufend.....

Nach 3 Johre wird´s Zit för e Neui

Ösi 1. Rauffe wo i gmacht ha, war guet, aber für mini Wild-Geisse doch es bizzeli zu schwach. 3 Johr hät die g´hebet. Jetzt machemer e Neui.

Neue Rauffe 2024 (Plan zum abelade und bruuche)

Es paar anderi Idee für e Eigekonstruktion =>Google

Neui Rauffe isch installiert und vo minere Geissebandi gern aagno worde. Hönd dä Plausch gha, woni sones neus Spiel- Spass- und Fressteil bracht han. Hät meh Platz, 7 Geisse chönd au ohni strite zitglich Heu frässe und sött Stabil gnueg se, dass sie es bizzeli länger als 3 Jahr hebät.
Jedefalls hönds Freud zäiget und hönds sie gad e chli uusprobiert

Wohl die nässeschti und chälteschti Hitzewelle öberhopt

I dem Schiisswätter tröchnet ja s´Heu nie. Jetzt isch aafang Juli 2024 ond mir hönd nonig Heue chöne. Seicht allewiil. Trotzdem mues da Gräs ab, sosch verdirbt da Züüg. Also mues en Heuwänder (oder Chreiselheuer oder sowas ane) wo an Buecher passt ane.

Uf Tutti hani es antiks Teil gfunde. Aatrieb über die eigne Rad und funktioniert iiwandfrei.  😊

Also ab is Napfgebiet dä Heuwänder go hole. Es bizzeli Tricky gsi mit dem Verlad. Bi nöd ganz Vercherstauglich unterwägs gsi. Es bizzeli Öberbreiti hömmer gha. Aber egal - hät passt.

  

Ösen Heuwänder bim Schaffe